يا نشوة الليل .. ليل البارحه كاسك

رويت حلو الخيال وغبت عن حالي

كن المشاعر عبيد وتاجها راسك

عتقت سود الظنون اللي على بالي

لا بارك الله فاللي جيته وحاسك

اللي يبي يهدم الأول على التالي

لا لاتشك بغلاك وتتعب احساسك

ما يكفي انك مشاركني غلا عيالي

هنيّ كحلٍ يذوب بعتمه نعاسك

يوم إنه أقرب على وصلك من وصالي

يا حظ عطرٍ خدر مع نفحه أنفاسك

عطرٍ تعطّر وداعب ريقك الحالي

أنا عضيدك إذا خان الدهر باسك

وغلاك وغلاك عندي ترى أقوالي هي أفعالي

الشك لا يدمرك لا يلعب براسك

مل كل من يضحك بوجهك هو الغالي

إما يعانق قصيدي ورق كراسك

وإلا ضَميتك خيال وغبت عن حالي