شخبار قلبك عساه اشتاق فغيابي

عساه يذكر ليالي الحب وسنينه

هلا بك أكثر هلا في متلف أعصابي

يا مشغل الكل في حسنك وتكوينه

ليتك دريت بغيابك ايش سوابي

ستين طاري يهز الجوف بيدينه

من يوم هليت كل الكون هلاّ بي

والحظ قامت تباشر بي عناوينه

من هيبتك ما قويت أبدي لك عتابي

في وقتها اللوم مدري ويني و وينه

خذيت من حسابك عطني حسابي

ما صار بعدين ديّانك يبي دينه

يا آخر اللي بقى من أصدق أحبابي

و يا أول اللي عشقت وراح في حينه

ما دام حسنك نبت في داخل كتابي

تلومهم لو قصيدي قالوا إش زينه

مليت أبي رضاك مدري كيف يرضى بي

هو وينه رضاك قلي احترت في دينه

ماهيب حالة أنا عايش على أعصابي

والهم سجّان دايم عيني بعينه