بطّلت لعب و طيش فترة طويله

راحت عليّ يا بنت حكّمت عقلي

يا ما سهرت ألفين ليلة و ليلة

في لعبة العشّاق ما فيه مثلي

شعر و ملل و أوراق كل الحصيله

وهمٍ قلعه الله عيّا يولي

حلمي .. مَرَه .. عذرا عنيده أصيله

مهره رسنها في يديني متدلّي

الله ياهي في عيوني جميله

أطيب بشر غيّر حياتي وكلّي

كلٍ يبيها في حياته خليله

كلٍ إذا مرّت يفز و يهلّي

هي من شَعَل نار الغرام و فتيله

هي شمس عمري هي ملاذي و ظلّي

يا قلب سامحني على كل ميله

مثلك على طول الدهر سامحٍ لي

يا قلب ما نرضا عليك الفشيله

لكن لخاطرها الكرامه توّلي