البارحة والليل كحل ٍوالمسا مثل العمى

غربان وعيوني مصابيح اهتديها وانعمي

شقيت صدري قلت اشوف الضيق ف حدود السما

ابشعل الفتنة واعيد الوانها واهدر دمي

البارحة والليل مجدب والسهر مليان ما

يفيض بعيوني سهاد وينبت الملح بفمي

ناديت : انا البارح وحيد ويابس وكلي ظما

ناديت : انا البارح كثار كثار انا اللا منتمي !

ناديت : لاني لاهذاك ولاهذاك وكلما :

حاولت اضمد جرح وانكأ جرح ، وحاولت ارتمي

القى الحياة غصون سدر وفوقها وجهي نما

تومي به الريح ويطيح اوراق تلهى بلحمي

البارحة كنت اتهادى فوق الاوراق وهما

غيث الكلام المرتوي بالشيح واطلقت قلمي

كتبت : لي قلبٍ تركته لا ضلوع ولا حِمى

كتبت : لي قلبٍ قرا صدري وضيّع موسمي

مضاء انا في وقدة الانسان في ارض الدمى

ارتب انسانيتي فيها وماكنت احتمي !!