يا اللي تقولين المكاتيب همّي

واني فقط شاعر يصوّر خياله

لا ماكتبت بحبر كاتب بدمّي

يا (قاسيه)يكفي وهات الرساله

لاني بيمّك ولا انتي بيمّي

روحي وان بآروح،كل ٍ لحاله

يكفيك يا حلوه حناني وضمّي

خلّي جريحك يهتني ما بقى له

عيشي سعيده واتركيني بغمّي

الذلّ فوق الهجر ما اقوى احتماله

سميه ياس او ما بغيتيه سمّي

الاسما كثيره والجهاله جهاله!؟

يكفيك عزّ انّك فقط بنت عمّي

ويكفي لمثلي ذلّ شوفك قباله