عذبتني بأسباب فرقاك

ظالم وأنا في الحب مظلوم

قلبي جبرني امشي واياك

وش حيلتي والقلب مغروم

هذا الهوى ما طاب لولاك

ولا طاب من أيامنا يوم

تجفى وتتغلى ونهواك

وتزيدنا حرات وسقوم

واحنا شرات العين ندراك

تبخل علينا وأنت ذي تروم

واللي بتاج الحسن حلاك

ما احتمل فرقاك ملزوم

كل يوم يتزايد بي اغلاك

وبيني وبينك ود مقسوم

راح الزمن وأنا برجواك

وبدرب ودك صرت ملزوم

دنياي تتبسم لدنياك

وتروح مع شوفتك لهموم