إنتي وانا ما همنا غدر الأزمان

ترى الوفا اللي داخلك من طباعي

إذا زعلتي لو رضا كل زعلان

ماحس قلبي للرضا فيه داعي

ومادام عينك راضيه هان ما كان

لو تزعل الدنيا لها ما براعي

ياصابره والصبر للناس ميزان

لى خان صبري ثبتي لي شراعي

يا أعز وأغلا ما خلق ربي إنسان

لو غط جفني خافقي فيك واعي

لجلك ذراعي صارت كل ثعبان

واقطع عصبها لو تقصر ذراعي

أخوض بحر يرسل الموج طوفان

لجلك تزايد في المحيط اندفاعي

ولا زبنت بلجة البحر شطآن

يعجبني أوفي في مسارك صراعي

وانتي معي يبقى الزمن كله إحسان

للعز يدعيني من الوقت داعي

وان غاب زولك ياعسى مابشر بان

شفت الزمن يلقى وجود بضياعي

وانتي معي مابشتكي غدر الأزمان

الصبر طبعك و الوفا من طباعي