واحلالاه يا الدوحه

لي حاجةٍ عند خلاني

في دار من تطرب مزوحه

اللي ليا جيت حيّاني

القلب يشفق على بوحه

والعين تفرح ليا جاني

أفوح في ذكرها فوحه

فوحة مطاليع الاوزاني

أحبّها الحب بوضوحه

وهي تبيني وتفداني

لا جيتها البرقع تشوحه

ولبّاس مخمل وكتّاني

من زود ماهيب مملوحه

تتلّ قلبي بشرياني

تحبّ تسمع لصبّوحه

وتموت في صوت الاغاني

والصبح تركب ف مرجوحه

من بين وردٍ فبستاني

هي رايقه بس مجروحه

قبلي مع الكاولي هاني

واليوم انا بلسم قروحه

واحسّ ومفتّح آذاني

ويلاه لا قمت للروحه

تقوم تبكي وترجاني

وتقول لاتترك الدوحه

وازهد بدارك على شاني

واقول ماهيب منفوحه

ذي دار جدّي وعمّاني

والله لولا يا ممدوحه

ثلاث روسٍ وتيجاني

مليكي اللي على صروحه

وعبدالله والنا يب الثاني

لاقطع مع البحر في لوحه

واجيك واطنّش اخواني