من عاصمة دولة شيوخ الإمارات

اليا الرجال اللي بنجد العذيه

سلام احر من العلوم القديمات

واشد واطغى من شرار الشظيه

ياصل على ظهور البكار العريبات

جيش المطايا لاماهي مطيه

وساع الخشوم مظمرات وطويلات

غارب وخف وقو عزم ورويه

سلايل الي يوم وقت الغزوات

تعز ربعي يوم وقت الحميه

تدق خشم الي تسمى مسافات

مع السهل ومجالبات الشغيه

تروى هنيا واصدار البطولات

من عند ابو خالد توجه بليه

هوشيخ ياقف للظروف العسيرات

والظرف طاري والمعسر خويه

ولاوازنت جمرك حدود الغويفات

مع شطها عطها العصا من شويه

معها امر ديوان وقف العقوبات

وتمريرها من دون شرط وجزيه

وليا وطت رمل السعود بسلامات

وعدت من البطحى من الداخليه

لاتاقف الاوصدار العقيلات

عند المضيف الي ورى الراشديه

عند الرجال الي تحشم المخوات

اهل الدسم والهيل واهل الحذيه

ارداهم الي لرتك لثقيلات

يتكي مثل صلب الجبال القويه

ولا بركت ندر الحرار الأصيلات

عقب ارتوت جم القراح المديه

بجلس على الشد المبرز وهيهات

مايكرمونك لاحرامن عليه

مير اقدع اقدع وان حصل خمس تمرات

ورو بفناجيلن من الشاذليه

وأضفر بشوف اهل الوفى والمروات

شيوخ نجد الي تعدل السريه

وعطهم سلام المحترم والتحيات

وشوق المشرق لافقد شوف حيه

وخبرهم اني وسط خير ومسرات

وفي دار زايد مانشوف الأذيه

في خير مافوت خمس الصلاوات

وضيفآ على جزل الضفر والعطيه

كن والده مامات

في كل حاجة تقدر تقول زيه

كف السبيل وكفه الأخر فلات

ومن وين ما تقبل مورايه حيه

ماهو بحر لابله الا محيطات

وضوه حريق وضو غيره ضويه

اجلس كريم وعزت الذات بالذات

ومكرمآ بين الرجال السخيه

ولي ماكرآ ماهوب لدنات منذات

ولا ينوسر فوقه سوى الفارسيه

القاطعات النادرات الأصيلات

شقرآ وهمتها ابيض برديه

وانا ترى مانيب ياسر عرفات

البس شماغ وبدلتي اجنبيه

اعشق دياري عشق ماهي حكيات

ومازلت افوح وفوحة الوائليه

وأن مربي طاري ذكرت الممرات

سوى على الصفرا او الفايزيه

مير الوكاد اني بخيرآ وخيرات

ومستانسآ ميه بميه بميه

وقررت فورآ وكتبو هذا الأثبات

عبر الرساله بعد ختم التحيه

وبو ظبي داري ودار البطولات

والمملكه داري ودار العطيه

يعني إماراتي وقلبي بتنهات

ولا سعودي بس قلبي هنيه