لا حرام أكرهك وانت الحلال الحرام

ليه احملك ذنب الحب وذنوبي

ليه أجي كارهٍ نصفي وصوتي هدام

احفر عيوب غيري وادفن عيوبي

ليه أناديك حلم العمر تحت الظلام

وانت وجهٍ تلاشى فيه عذروبي

عيبك إنك تشب النار برد وسلام

ما تقول احرقي يا نار محبوبي

ما حيا الصدق فيك إلا بموت الكلام

ولا رضيت الشروق إلا على غروبي

قبل اعرف السهر من قبل اعرف المنام

كنت أحبك وأحب الليل ودروبي

جيت أبكرهك طاح القلب عشب وحمام

والتوى طفل يبكي في طرف ثوبي