بعد عامين جيت وصوتك حطام

كنك اللي يذكرني بروحي

شدّ عنك البحر يا شط الأوهام

وألف ساحل يرحب في نزوحي

إنكسر حلم!! لكن تجبر أحلام

لا أنت موتي ولا أنت أقصى طموحي

كنت للقلب.. صرت لحبر الأقلام

صرت للناس, وأوراقي , وبوحي

سكر الليل كنت وملح الأيام

صرت حزني, وتنهيدي, ونوحي

سافر الورد.. من صيف أول العام

مثل ما سافرت منك جروحي

مال صوتي إذا راودني لجام

مال هذا الفضا.. إلا جموحي

يا النوارس وصوتك ملح وألام

البحر راح عن شاطيه روحي