قل وحدتي ثوب مومكوي وسخ كمي
قل : منشفه بالية قل : فرشة اسناني
أسوّي الأكل وحدي وحدي آسمّي
ملعون ابو السفره اللّي مابها ثاني
ويني أنا آه قل وينه طبيخ أمي
ياغلطة اليتم ليت اليتم عدّاني
أمشي ولاوين مدري بس نشف دمي
قل طز في عمر خذ مني ولا اعطاني
الهم ماهو في اللّي قلت ياهمي
الهم فيما بغيت آقول ممداني
ياعم طنّش وكم طنّشت ياعمي
ياكبرها دمعةٍ من عين زهراني
***
جيت أجمّل وجهي البارح لغيري
شفت وجهي ماله بوجهي علاقة !
***
ليه الوجع أو مزاجي ليه متقلب
عزّابي إن ضقت وان ما ضقت عزّابي
أكنس وارتب وانا ماني بمترتب
أغسل وانا ناسي الأوراق بثيابي !!
***
للناس مستقبلٍ تمشي وتسعى له
الاّ انا عايشٍ مستقبلي : ماضي
يلعن ابو الهم والدخان وسعاله
واقداري الغصب واللّي عشتها راضي
ياوحدتي ما سألتك ليه هالحاله :
طفايتي ليه مليانه وانا فاضي ؟ !
مافيه أحد دق بابإيه ليش اكذب
بسّ الفواتير هي بس عارفه بابي !!
***
للناس مستقبلٍ تمشي وتسعى له
الاّ انا عايشٍ مستقبلي : ماضي
يلعن ابو الهم والدخان وسعاله
واقداري الغصب واللّي عشتها راضي
ياوحدتي ما سألتك ليه هالحاله :
طفايتي ليه مليانه وانا فاضي ؟ !