لامتى يا هالحزن تغرس سكاكينك هنيّا

لامتى وانا استفز الدمع بعيون الكسالى

لامتى يا هالحزن يشرق صباحك في محيّا

شاعرٍ صاروا بنات افكاره بعينه ثكالى

عقبها جاء الحزن يطلب عبرةٍ تذرف وعيّا

خافقٍ كلّه شموخ وقال لالا والف لالا

كيف تذرف والجنوب محنّك عياله شقيا

الجنوبي لا ارخص الدمعه غدا ذبحه حلالا

هقوتك ماهي جنوبيه فسندها كذياّ

ياالسهل خلك سهل والصعب مرقاه الجبالا

الكواكب كلّها متشابهه وين الثرياّ؟

وين نجم سهيل ؟ كلّك يالسما نجومٍ تلالا

جيت من قيض القوايل تحت سدره باتفيّا

بالضلال اثار به دابٍ سبقني للضلالا

وين اشرق ؟ وين اغرب ؟ و ين ابالقالي حميّا؟

والشتاء والصيف رحله للجنوب وللشمالا

قالوا الغربة محال وقلت مااهونها عليّا

كانها قاصي المحال اباانحر فجوج المحالا

ماثملنا ياجروحي لو تعانقنا شويّا

انتمايل حزن لكن يحسبون إنّا ثمالى

ياسما الغفران قال الغي هيّا قلت هيّا

غاويٍ حاول يتوب وزاد في غيّه ظلالا

ديرتي لا تعذليني مابقى شيّ بيديّا

رحت متعلم وجيت أجهل كثير من الجهالا

واتحدّى ماأنولد في ديرتي مثلي صبيّا

صابرٍ كادح حزينٍ ماانجبن مثله حبالى

وآآآه ياطيري وكم قد قلت لك فزّ وتهيّا

لا تخلينا سوالف لاش في مجلس حثالى