صليت شفعي ولا سجيت عن وتري

ومن الوله فاضت أنفاسي على ثيابي

قلت اكتب الحب واقطع حيرتي وأسري

لين أصل الصبح وأشرف على غيابي

حبيبتي ما بعدك أحباب في صدري

واللى قبل لا أعرفك خليهم أحبابي

كان المحبه خطاي اتقبلي عذري

الحب سكه لعينك دلت أركابي

الحب قبلك دجى وسهاد يافجري

لو قبلك أقمار في ظلماي وكتابي

أفداك وأفدى ليالي رمشك الخدري

اللي إذا همت في نجلاك حيابي

وأحن لك ماخفق ريش وسجع قمري

وأشتاق لك ماحزنت وماضحك نابي

حبيبتي مالك جروح وأقول أبري

ولا لك ادموع في شكواي وأهدابي

ياما دقايق وصالك طولت عمري

وياما الشتا في يديني من يدك ذابي

عقب الظما كنك الما في عطش تغري

والفيه البارده لخطاي وأتعابي

عنك أسألوني رفاقي وأحرثوا حبري

وأنا اللي أخفيك بين رضاي واعتابي

مابي عن الحب حساد الهوى تدري

لو كان هم من هلي وإلا من أصحابي

سألت عنك الرياض ورددت حضري

ولديت يم الفياض وقالت اعرابي

قلت أكتبك ونخلي مايل على تمري

وأقريه موزون من صنعي وهندامي