ما للرجا في بعض الأحوال قيمه وما للعمي صبح ولو بات سهران لو للزمن عن نية الغدر شيمه ما فرق أحباب ولا بعد أوطان
لولا ظلام الليل مابيّن الصبح
ولولا المواقف ماتبان الرجالي
ولولا الغرق محدٍ تعلم على السبح
ولولا الفرج خاويت سود الليالي
ولولا الخساره تنعدم قيمة الربح
ولولا وجودك انت عزي لحالي
والله مصيبه يازمن شوف الأحكام
بـ الهم نرضى مارضى الهم فينا
بـ امالنا والأمنا نزرع أحلام
وأيامنا تمطر مواجع علينا
لا يوعدونا قالها فاتت أعوام
نشرب قهر وأحزان من يوم جينا
تري قلوب الناس مثل الصناديق
مفتاحها هرج اللسان إن حكوبه
لو باحت أصدور الرجال المغاليق
أسرارها صارت عليهم عقوبه
كم صريحٍ عرقلو سكة نجاحه
كل ذنْبه دايم أقوال صريحه
والصراحه دامها صارت فضاحه
إحفرو ل موضح الكلمه ضريحه
بعض البشر طبعه مقدر ومحشوم وبعض البشر عيبً عليك إحترامه اللي ستر عيبه عن الناس بهدوم وش يستره لا صار عيبه كلامه
ماهو ضروري كل حاقد أعاديه
ولاهو ضروري كل طيّب رفيقي
كم فقير مات قدام الممات
موت بعض الناس خير من الحيات
ان بكن أو ما بكن النايحات
البكا خسران في بعض الهزيل
لغير الله ما اشكي الحال
ولو ابقى العمر مهموم
ابد مايفيد ضيق البال
ما دام ان الالم مقسوم
مهما تطول إقامة الأدمي ضيف
لابد من يومٍ إركابه مقافي
اللي استسهل جرحك وخان الاحلام
امسح صوَرّه من ورق ذكرياتك
جرحك ان طال الوقت تشفيه الايام
اهم شيّ تكنْسله من حياتك
ترى الدنيا تزول وماعليها
وكل الخلق قافيها الزوالي
ولازال الامل بالله باقي
وبعده فيك املنا لايزالي
درب الشرف مفهوم وأمشيه واعطيه
مع دروب جداني وابوي وخوالي
أبوي وصاني وجدي موصيه
على الشرف وانا بوصي عيالي
ماخلقت الا شقي ولا سعيدي
حطك الله بين نار و بين جنّه
ماعليك من القريّب و البعيدي
القريّب والبعيد يقربنّه
دام عمرك بين حين وبين حين..
والليالي تنحسب بالثانية.
من بعد ربك وبر الوالدين..
وش ورى هذي الحياه الفانيه
من حس في نقص نفسه عاتب أحبابه
ويعاتب الناس والنقصان في ذاته
ولو الخطا واضحن ماحسب أحسابه
مايشوف كبر الخطا من كبر شرهاته
واللي يتميدح بروحه لاتعزوابه
لوقال أنا الزير لاتغرك شجاعاته
الفقر فقر الدين و العمر ساعه
ما هو بفقر المال والاّ العلاقات
لا صار وقتك بين طاعه و طاعه
شطّب على دنيا الفنا و الملذات
تخيب هقواتك مع الناس وتصيب
إلا مع الله ما تخيب الهقاوي
للصمت في بعض المواضيع حكمه
وما للحكي في بعض الأحيان داعي
كم عالم ٍ عيا يكفية علمه
وكم جاهل ٍ قلبه مع الوقت واعي
بعض الكلام يصير للقلب لطمه
وبعض الكلام يصير للقلب ناعي