يا كاتب الرحمه على نفسك ادعيك

ترحم في يوم البعث عبدك خليفه

يا رب وانت اللّطف والعطف يرضيك

من عبدك ويمحى الذنوب الكثيفه

اغفر لمن قلبه وعينه تراعيك

وصفحته من سود المظالم نظيفه

طيبك يا بو سلطان وحده يكفيك

وعهدك على شعبك سنينٍ مريفه

والطيّب اللي ينصفك قبل يعطيك

والعدل له في المكرمات النصيفه

حقٍ علينا يا بو خالد نعزيك

فخوك يا نعم العوض والخليفه

وحقٍ علينا يا الإمارات نغليك

مكانتك فوق الجبال المنيفه