يا غايبه بالله مشتاق انا ردي

طول غيابك ليه في رحلة الغربه

انتي بعيده هناك واتخيلك عندي

وقلب يحبك موت يتخيلك قربه

فيني حنين وشوق جاوزت انا حدي

وليل الفراق يطول ويطول بي دربه

قالوا سحابة صيف فرقاك وبتعدي

وصارت سنين العمر في غيبتك صعبه

‏يكفي غياب وبعد يامنتهى ودي

وقلبك ياليته بس يشعر بما اشعر به

صورتك بعيوني وقلبي على يدي

واللي تحبينه مثلك انا احبه

‏ليلي عذاب وحزن ودموعه بخدي

يا قسوة الفرقا والقلب وش ذنبه

انا بحر من شوق في جزري ومدي

وشوفتك لي مرسى بإحساسي ابحر به

مشتاق لك مشتاق واجيب واودي

والشوق يلعب بي بس ماقدر العب به