يامرحبآ ترحيبة البدو بالبرق

اللي لهم عامين ما رحبو به

رحبه اوسطهم ومن فرحته غرق

جفنه بدمع بلل اطراف ثوبه

البرق شرق وهو له صويحبٍ شرق

وبرّق وصدره بارقٍ مادرو به

تغيب ماهمك وانا ألا حي الورق

ولاتخاف من الجفا والعقوبه

الوصل مرهم كبد والا الجفا حرق

والصبر ينفض في غيابك جيوبه

كسرت كل ابواب وصلك من الطرق

وغيرك طرق قلبي ولاني بصوبه

واللي يريد الوصل يامكثر الطرق

لو وقفوا كل العرب في دروبه