اشتقت لك
حدّ الحزن
حد الألم
حدّ انهزام راية
عَشَم!
حدّ ما أشكّ
إنك معاي الحين
تقهويني حلاك
أو انتي تسقيني
الوهَم!
حدّ
ما بقى أنين حنين
من جرح غيابك
بي سَلَم!
حدّ ما تلعْثَم السهر
على جفوني
وانقسَم
بين ما تشيل أصابعي
من غيم عيون قلبي
وبين
ما كدّسه من السواد
على البياض
بصفحة القلب
القلَم!
اشتقت لك
حدّ:
كل ما فتحت
باب لضيا نجمه
 أنا
غرقت في وحشة عَتَم!
حد الأغاني الوارفة
لا "نَسْرنَت" فيني اغنية
قتلني في صوتها
نغَم!