لا ما نهنّيك.. نهنّي حنّا نفسنا يا هالوطن فيك! الله ما أجملك وطن وش كثر نغليك كل ما يضيق فينا مدى خَضَّرْتنا أبواب في جنّة مداك وبسمة شبابيك! ولو الزمن هوجس مرّه يلبسّك ثوب من ظلام في كل قناديل دمانا يا وطن وأرواحنا دونك ونفديك! إي والله حنا نعشقك ولو سولفت غربه عن دفا حضن نشهق في طاريك! تسيل فينا عشق ونرقى سما ممدودة ايادينا لطهرٍ ينادينا من بيت الله الحرام وتجيك ريح قلوبنا لهفه تلبّيك! إي والله حنا يا وطن اللي نهنّي نفسنا واحبابنا فيك!
