قلت : حق … وقال :: لابالله زيف

قلت : عندي مايبرر موقفي

قال :: كيف ؟ وقلت انا له :: كيف كيف

بعد ذا المده تقول انك وفي

زل صيف وزل صيف وزل صيف

من ثلاث سنين وينك مختفي

رحت أدور عنك من بيش لطريف

ودجت نجد من الهفوف ليا نفي

كنت طيف وجيت طيف ورحت طيف

والامل لا طال شمعه ينطفي

قال احبك قلت حبك حب حيف

مااقبله لو كان حسنك يوسفي

مامعي للحرب لاحربه وسيف

من غرابيل الليالي مكتفي

وعطر باريسي وساعة من جنيف

ماتفيد ولا تغير موقفي