شمس الاصيل دهبّت خوص النخيل يا نيل تحفة ومتصورة فى صفحتك يا جميل والناي على الشط غنى والقدود بتميل على هبوب الهوا لما يمر عليل يا نيل أنا واللي احبه نشبهك بصفاك لانت و رقت قلوبنا لما رق هواك وصفونا فى المحبة هو هو صفاك ما لناش لا احنا ولا انت فى الحلاوة مثيل انا وحبيبي يا نيل نلنا أمانينا مطرح ما يسري الهوى ترسى مراسينا والليل إذا زاد وطال تقصر ليالينا واللي ضناه الهوى باكي وليله طويل انا وحبيبى يا نيل غيبين عن الوجدان يطلع علينا القمر ويغيب كأنه ما كان بايتين حوالينا نسمع ضحكة الكروان على سواقي بتنعي ع اللى حظه قليل يا نيل
محمود محمد مصطفى بيرم الحريري، المشهور بـ بيرم التونسي، هو شاعر مصري ذو أصول تونسية، وُلد في 23 مارس 1893 في حي السيالة بالإسكندرية، وتوفي في 5 يناير 1961 بالقاهرة.
يُعد ...
