فقدتك قبل مدري بعد مدري باول الغيبه

انا من صدمة غيابك عجزت احدد احساسي

ما بين الشك والريبه وبين الظن والخيبه

احسب اني على بالك طريت و حضرتك ناسي

ضميرك ماصحى توه و لا حسسك تانيبه

مثل مالجرح بغيابك احسه يسرق انفاسي

حبيبي ما يعيب اللي يحبك زايد الطيبه

خلقني ربي لنفسي و عشت ايامي لناسي

تعال و طالع جروحك لها وسط الحشا هيبه

وش اللي بس بيضرك لو انك جيتني تواسي

تمنيت بيدي سلطه و وقتي اعيد ترتيبه

واقدم فرحتي و ارجع اجل وقتي القاسي

غيابك يشبه اوصالك و وصلك طول الغيبه

و انا من يومها عايش و لكن ميت احساسي