صب لي يا نور عيني من الدله

كانك أنت اللي من أجلي مسويها

دلتك تسوى دلال البلد كلًه

طعمها مملوح من طعم راعيها

وردةً فى الفله أحلى من الفله

ليتها تعرض على الباع وشريها

أقدر أسيطر على البيت واحتله

صار ملكي لادفعت الثمن فيها

يستريح الخل ويعيش مع خله

فرصةً في العمر طابت لياليها

الهوى وردً قطافه على حله

اه يامحلى الورود وتواميها

الورود اللي من الغيث مبتله

والندى في الصبح كنه يحييها

والهوى غصنً تريحت في ظله

مالت أوراقه ومالت ثماريها

انا ما وله من الشمس ما وله

مايداني الشمس ونا مدانيها

صب لي يانور عيني من الدله

كانك أنت اللي من أجلي مسويها