جيتك معاتب والعتب باب الغضب

جيتك ونا زعلان من شي بسمعه

جيتك وميزان الغضب عندي نضب

وانت الذي دائم بفعلك ترفعه

أمد لك يدّي وجي عندالطلب

وحبل ودّي في فعالك تقطعه

منعت عنّك زيت نارك والحطب

بالحقد شيطانك يجي واسترجعه

تدعي بصوت الشر واصبح له لجب

ونابصوت الخير شرّك بمنعه

وفرق واضح بين منته له سبب

وبين مانا بالمبادى بصنعه

انا اعرف الواجب وذي هومايجب

ونته لمعروف الخطا تستجمعه

من يملك الناقه متئ يضما حلب

ونته ملكت الشروايضاَ ترضعه

جيتك وناكلّي على كلّي أدب

جيتك على رغم الجراح الموجعه

مولا التواضع يرتفع باعلا رتب

وصاحب الكبره يعانق مصرعه

جيتك اريدك كفو يكفيك العتب

من قبلما خدّك بيدّك تصفعه