يالربع عذراً ترى الأخلاق محدوده

والصدر ضايق وعيني تذرف الدمعه

وأهل الوفا تالي الأيام معدوده

 زادوا هل الشهره اللي مابهم شمعه

والوقت ماعاد نعرف نقصه وزوده

 والمنكر البعض منّا حلّلوا سَمْعه

والعاقل اصبح سفيه المنطق يقٰوده

 والناس صاروا على الشبهات مجتمعه       

والناس مابين مغبوطه ومحسوده

دنيا العنا مابقى فيها لنا طمعه

وبعض العرب للأسف تجاوز حدوده

باع المبادي من اجل المال والسمعه