تغالط الناس تنكر حب واضح
وضحه دمعك لهم توضيح
مالك وللناس لانته صدق ناصح
خل كل من بايصيح يصيح
واصبر على اللكع والتجريح
وعلى المزلات منهم والمهونه
مادام للحب في قلبك
ياخل أسرار مكنونه
دعهم ودع مايقولونه
من زل ولا غلط قله مسامح
وسمح أعواجهم تسميح
الناس أفلام والدنيا مسارح
كم سرحوا من قصص تسريح
مايتركون المليح مليح
والحلو بالقار لازم يخلطونه
مادام للحب في قلبك
ياخل أسرار مكنونه
دعهم ودع مايقولونه
ياوردي اللون ياعطر الروائح
يانزهة القلب والترويح
لاشفتك تغيرت مني الملامح
وبقيت لمح كذا تلميح
من عشقتك خايف الا اطيح
إن طحت شي باتقع منك معونه
مادام للحب في قلبك
ياخل أسرار مكنونه
دعهم ودع مايقولونه
منذ عرفتك ونا في بحر سابح
أذكرك في الورد والتسبيح
وانت بوجهك علي دوب شايح
وباللقاء ياحبيبي شحيح
متى تصبح علي تصبيح
ولا في الليل لاخيم سكونه
مادام للحب في قلبك
ياخل أسرار مكنونه
دعهم ودع مايقولونه
إن كان مانيتك بالحب صارح
أنا اقبل الصدق والتصريح
ولا تخلي محبك جاي رايح
يهوي معك في مهاوي الريح
يكفي من الرمز والتلويح
مانا بذمتك قرضه أو مدونه
مادام للحب في قلبك
ياخل أسرار مكنونه
دعهم ودع مايقولونه