ماكان لازم يوم حبوني أحب

مفروض ماطوعت قلبي والحنين

وشفيها يعني لو أعيش وماحب

يكثر ناس ماتحب وعايشين

اشواقهم نيران وأيامي حطب

ليلهم فرحه وانا ليلي انين

ماشفت ضحكتهم ولا أدري بالسبب

نفسي أنا أعرف هالبشر تضحك لمين

المشكلة في قلبي اللي ما كذب

منهو سمع في قلب شاري بايعين

لا ما خذنا في هوانا ألا ألتعب

شايفين وصابرين وساكتين

هذا الوفا ياحباب من سلم العرب

وانتوا تياسرتوا وأنا دربي يمين

يلا أتركونا وهذا هو آخر طلب

ألحزن ساعة لا ولا ألحسرة سنين