يمّي الجنة تحت اجريكي
والعاطفة دمعة بعينيكي
من قلبك لحضنك نقل قلبي
وعمري ترعرع بين ايديكي
بعيدك يا امي بزرع الأزهار
بجنة رضاكي عابواب الدار
وبعمل عيوني فراشتين زغار
مرواح هوا يرفو حواليكي
يمي اذا جمعت السنين بعين
وبعين مال الكون نقدي ودين
ومن لوح صدري سحبتلك ضلعين
وحق السما ما بيكتروا عليكي
بعيدك يا امي سحبت بالتفكير
شو بجبلك وفضلك عليي كتير
تمنيت حالي عود طفل زغير
ومن قبل عيدك يسرقوني بيوم
وبيوم عيدك انهدى ليكي