انت الوحيد اللي احبك واهواك

وانت الوحيد اللي دخلت بحياتي

لو اني نسيت اسمي فوالله ما انساك

دونك افضل عن حياتي مماتي

يلا عساني ما اخلا من محياك

يامالك قلبي وروحي وذاتي

اشتاق ليك لاصرت انا ماقدر الاقاك

واشتاق ليك وانت معاي ياغناتي

خذ من فرح عمري سعادة لدنياك

اعطني الشقاء واعطيك بسمة شفاتي

ماهمني لو كنت خاتم بيمناك

همي اشوفك مبتسم يامناتي

يلا عسى ما اذوق في يوم فرقاك

ولعل يومي قبل فرقاك يأتي

وان عشت في حبك ترى عايش اهواك

وان مت قول الله يرحم غناتي