والله وبديت اشغله واطري على باله

بديت اذوب خفوق اللي مذوبني

ياكثر ماقلت في نفسي هنياله

مرتاح مايدري ان الهم عذبني

اللي جرى لي بدا هالحين يجرى له

ولو انبوني ضميري ما يانبني

ماعبر الروح يوم الروح مياله

قربت له بس ماحاول يقربني

والله لاخليه دامه من بوصاله

واصد عنه مع ان الصد يتعبني

بعذبه لين يتعب واراف بحاله

ماهو عشانه اخاف الله يحاسبني

و اعلمه كيف يقسى وافعل افعاله

وخله يعاتب اذا وده يعاتبني

خله يذوق الالم يصعب على حاله

مفروض يتعب مثل ماهو متعبني