البيارق عاليه والراس عالي

والسعودي قدها واقدود دايم

غاليه ياالمملكه اول وتالي

ما لنا بمحبتك يادار لايم

من جنوب العز لحدود الشمالي

وانت بين اهل المعزه العزايم

مانبالي بالشدايد مانبالي

العظيم بعينه اتهون العظايم

وجهنا ابيض يومها سود الليالي

كيف يوم ان القدر زف الغنايم

سيفنا عادل ونخلتنا ظلالي

ومن طمع في حقنا ذاق الهزايم

دارنا ربي خلقها للمعالي

الفخر هايم بها والمجد هايم

الوطن غالي وبيت الله غالي

كيف لا صار بوطنك البيت قايم