يا طبيب القلوب ان كان تعرف مرضهن

هن يداون جروح الوقت او ما يداون

الغريبه جروحي ما يدانن بعضهن

بس من طول مدتهن في قلبي تخاون

حسبي الله على الي وسط قلبي فرضهن

لين خلى اليالي في عيوني تساون

كل ما اونستهن قمت اشتكي واعرضهن

مير ذا الوقت في الشدات ما احد يعاون

شفت ردن عزومي مير ما احد نهضهن

كل من رحت يمه قال ما ينتداون

يا طبيب القلوب ارجوك شف وش غرضهن

قوم انا وانت تكفى يا طبيب نتعاون

اكثر الناس قالو كلمتين احفضهن

ما يطيب المرض دام المريض يتهاون