مرحبا بالزائر اللي بالمحبة نحتفي به

من قلوب مخلصه حب وولا لاشي ثاني

ضيفنا الغالي معزبنا بالايام العصيبة

درعنا لاثاروا الفتنة مقاريد الزماني

مرحبا مليون في مليون مافيها غليبه

الغليبهلو يشح الشعر بجزال المعاني

والله ان جيتك مثل الغيث جعل الله يجيبه

ذاك غيث الارض وانته غيثنا سر وعلاني

الليالي كل ما دارت تجلت عن مصيبهوالخطر قام يتحول من مكان الى مكاني

والمصايب حجمها يكبر بالايام القريبه

ويتغير مستواها بالدقائق والثواني

واصبحت بالثانية تطلع منه حالة غريبه

كلها من ناتج الاحلام في وقت الاماني

كثرت احداث الزمن والوقت ما نعلم بغيبه

مير حنا كلنا دون الوطن حب وتفاني

ان دعا الواجب ترى جندينا ينطح كتيبه

ديننا ثم الملك ثم الوطن والعمر فاني

تحت راية فهد ابونا قائد الشعب وحبيبه

يحفظه من نزل الآيات والسبع المثاني

الولاية والولا للي حما مكه وطيبه

ما على الشعب السعودي من فلان ولا فلاني

عطر الله قبر ابوك الفارس اللي نعتزي به

اشهد انه شامخ الهامه ولا يرضى الطماني

كلنا ندعي عساها ما تمس النار شيبه

منقذ شعوب من اسباب الجهل كانت تعاني

بعد ما كانوا فئات وكل حزب في شعيبه

والتحدي بينهم دايم على كسب الرهاني

اصطفق فيها وشاف الظلم وامور عجيبه

لا يقيدها نظام ولا لها مبدا كياني

ووفقه ربه وهذا من صفا قلبه وطيبهوابتدى الرحله على ظهر المطيه والحصاني

مسلم يسعى للم الشمل ويجمّع ذهيبه

مير لم الشمل لازم بالسنان وبالعناني

السلامه ما تجيبه والتفاوض ما يجيبه

ما يجيبه غير شيل الروس من تحت الاذاني

والغريب ان الخطيب اللي دفع مهر الخطيبه

اتفق معها على الزفه قبل عقد القراني

هي تبيه وهو يبيها مير دعواهم رهيبه

ما على الغائب دليل ولا على الدنيا ضماني

تنتظر يوم اجتماع الشمل ويقول ابشري به

الوعد من بيننا بالفطر من بعد ارمضاني

بس قبل العرس ساعه للفشق فيها حطيبه

ينتصر فيها الشجاع وينهزم فيها الجباني

والخطيبه مملكة من مطلع النور المغيبه

والخطيب معزي الله يسكنه خضر الجناني

ونصره ربه وحصلها وصارت من نصيبه

وادرك المقصد ولله الثنا والامتناني

وابتدا في رحلة العمران والمصحف بجيبه

يصنع التاريخ للاجيال ويعمر المباني

حكم القرآن وانهى كل طلاب وطليبه

وارتفع فيها منار الحق مع صوت الاذاني

والفتن وسبابها سوالها قبر ونصيبه

والحضاره عمت اطراف البلد قاصي وداني

واستقرت بعد ما مرت مراحلها الصعيبه

واصبحوا فيها ملايين البشر مثل الخواني

ثم سلمها رجال ما بهم شكه وريبهكله

م نقوه وطيب الاصل من طيب المجاني

ان دعاهم واجب الاسلام وقفتهم عريبه

وان دعاهم واجب الجيران طلقين اليماني

اسسوا دوله لها بين الدول قيمه وهيبه

من دخل بحدودها قالوا وصل بر الاماني

يحفظ الله من بحزات الشدائد نلتجي به

الزعيم اللي يدير امورنا في كل شاني

ويحفظ الله ساعده ومساعده واللي ينيبه

قائد القوات بر وجو واسطول المواني

بسم من شارك بحفل المنطقة واللي دعي به

كلنا يا سيدي نهدي عبارات التهاني