قلت للعشره حق وللمراجل انتحار

واللي قدامك تشوفه شايف الدنيا اظلمّه

ان حفر يحفر يدينه وان دفن يدفن غبار

وان سكت جته السوالف جاهزه ومحزمه

وين ماودك حسبها ووين ماودا اقصار

جاك يركض بالاكيده وده انك تلزمه

جاك رجلي مايفرق بين نكسه وانتصار

لاحشا ماعاد يفرق سوده والا مغلمه

مايشوف الا الهقاوي من يمين ومن يسار

بعضهن قالن .. فعلها .. وبعضهن لاتظلمه

وبعضهن قالن تصّبر حتى يلفييك النهار

وبعظهن قالن كلام اللي سمعته اردمه

وانتفض كل عررق فيني يرفض اوضاع الحصار

والشموخ اللي براسي .. ماتعودت ادقمه

وصحت: يانفسي مشيناا ماتطفي الناار نااار

والرجل وشلون يهناا والمسائل مبهمه

لاتقول اصبر تهدا ماهو بيدي الاختيار

والغضب هاللي تشوفه اغسل ايدك تلجمه

اللي مثلك برتياحه يصدر ويحذف قرار

واللي مثلي لاتلوومه شاف نفسه مدممه

والجريح اللي يكابر تذبحه بالانتظاار

وانت تطلبه الثبوت وحجتك تب ترسمه

مايبي منك الطويله يرحم امك باختصار

اما ريّحتّا وتعافاا والا طاالبك اعدمه

لاتطالعني وتضحك!! تب تركبني القطار؟

وبالكلام اللي احبه قلبي ودك تحكمه؟

توني ماقلت حاجه ليه قدمت اعتذار

انت وشدراك باللي في خفوقي ململمه؟

صرت مثل اللص الاهبل! اول البوقات جار

ويوم شاف الجار مقبل اعتذرله واعزمه!!

لاتقول احساس عندي .. يالغشيم الطير طاار

والغشيم اليا تشطر تلقى جلاسه اغشمه

كان عندي شك انك من جماعة (( شي صار ))

واعتذرت وصار شكي انتصار الملحمه

واللي عني كان غايب انجلا عنه الستار

واللي حيرني بطريقي .. توني بس افهمه

انت حلمك يوم تسمع اني عشت الانكسار

واني عقب ( الصوت الاوضح ) قمت احب التمتمه

وانحني لك وانتخي بك دلني وين المسار؟؟

وارفعك مرفاع رحمي .. بالدروب المعتمه

يامضيع هالسوالف ضيعت ناسن كثار

طعت كفار النوايا .. بالنوايا مسلمه

كنك اللي ماعرفني .. وكني محتاج اختبار

وكني اللي مارفعتك عن امور الشمشمه

مادريت ان اللي مثلك .. عايشن للانحدار

واللي مثلي غلطه انه يلتفت للمغزمه

والرجل يرضى بموته .. ولايصنف كالصغار

والصبي يرهن حياته .. كي يعيش المعلمه

ياصغيّر لااتغربش متعبن لعب الكبار

لاتطيح وماتهيا حتى كلمة ارحمه

اسمع اللي لك بقوله لاتلفت للمنار

واغنم الحكمه بكلامي قبل مامشي واختمه

هذي المره رحمتك .!.! جبت لك بعض الدمار

وان وصلني علم ثاني!! مابقالك .. اهدمه!