تصدق يا بحر انك تشابه بالعطى قلبي
وتصدق يا بحر انك تشابه بالغدر حبي
تشابه منهو حبيته وبديته على نفسي
هذاك الي توقعته ينور بالوفا دربي
اجيه وشايل همي ادور عنده الراحه
تخيل لما يلمحني تجيني تركض اجراحه
واذا صديت ناداني واذا اقبلت خلاني
واذا قلبي نوى الفرقى يعشم قلبي بفراحه
***
ابعرف يا بحر ذني وش اللي بعمري سويته
انا ما اذكر اني بيوم جرحت انسان وبكيته
جروحي ليه علمني علشان اني على النيه
تعب قلبي وتعبني ياليته يقسى ياليته
***
ابسكت يا بحر وامشي واخلي ضيقتي فيني
ابسكت وابتعد عنك و ادور منهو يواسيني
تصدق يابحر اني توقعت تشيل اهموم
ولكني انصدمت انك غرقت بدمعه من عيني