نحمد الله هذا الإنجاز العظيم

انتهت كل المشاكل يا فهيم

ما بقي إلا مشكلة وحدة فقط

باقي الترشيح وتصويت الحريم

نبي الحرمة عضو في بالبرلمان

وش زودهم عنا هذولا الأمريكان

ليش حنا نقف بوجه الزمان

الزعيمة وش فرقها عن الزعيم

لي متا هذا التخلف يا عزيز

مس تاتشر مثلها مثل أم ريم

كل يوم من أل مراءه نسمع عتاب

ليش ما نسمح لها بالانتخاب

حلمهن اصبح سراب في سراب

وين راعي الفكر والرأي السليم

نبي الحرمة عضو بنت الحلال

ما علينا من حكي قيل وقال

ليش حنا ما نعطي الحرمة مجال

ونلعن إبليس والشيطان الرجيم

خلو نصف المجتمع نصف الحياة

تدخل المجلس دخول الفاتحات

لأجل تلبس البشت و تقط العباه

آلي متي عقلك وتفكيرك قديم

يصبح المجلس مثل شاي الضحى

والرجل يطبخ لنفسه لا صحي

دام لا تطبخ ولا تطحن رحى

لا ولا ترضع ولا تربي فطيم

لي متي هذا التخلف والجهل

ليش صارت مشكلة حلها سهل

روح أنت وأمك والأهل

خلها تمشي بخط مستقيم

يا جماعة ما نبي الفرصة تفوت

افتحوا بي بان ربات البيوت

أن تحقق حلمها وإلا تموت

ارحموا يرحمكم الرب الرحيم

ليش سببتم لها أل مراءه ألم

السياسة حلمها منذ القدم

في مهم وفي ما هو أهم

عقل ناقص ودين ناقص يا غشيم

سلم الجهال بيدين الخدم

وأنت خلك بينهم مثل العلم

الغداء صمول مو لازم لحم

يعني احسن لك إذا تسوي رجيم

ليش نهضم حق بدرية وسارة

ليش ما نركض وراء ركب الحضارة

باكر تشوف أل مراءه وسط الوزارة

أتوسط للمواطن والمقيم

وبتصدي لكل مشروع خطير

وأيضا تدافع عن حقوق الفقير

مو بعيد أل عضوه تستجوب وزير

بس .. ما تستجوبه إن كانه وسيم

ولو فرضنا قسم الله ونجحت

وكل نسوان البلد معها فرحت

من يقول أنها عقب هذا فلحت

حتى لو أن كيدهم كيد عظيم