هل يخفى القمر والليل ضاوي

نجوم الليل مابانت بنوره

حبيبي بحسنه مسوي بلاوي

الي منه حضر يثبت حضوره

ولاهو لعلتي غيره مداوي

ولاغيره لعب في القلب دوره

ولاغيره بهالدنيا يساوي

حياتي كلها لحظه سروره

حبيبي في الهوى ماهوب ياوي

ولاغيري احد يرضي غروره

ولاادري لوين هو في حب ناوي

متوهني وانا تهت في بحوره

ولا في البعد عنه صرت قاوي

وجوده في الوصال اكبر ضروره

ونسيانه بهالدنيا هقاوي

ولا احتاج راين او مشوره