من صد عن عيني سلى عنه بالي

الا انت اذا صديت ما عنك اسلى

كل الظروف ان رحت وان جيت غالي

مع الزمن يزود حبك ويحلى

انت الحبيب الي له القلب مالي

لا غيرك احد صار في العين يملى

مثل الذهب حبك بعمر الليالي

يزود ما يرخص على كل عمله

ان حل صوتك او خيالك طرالي

انسى الهموم وضيقه الصدر تجلى

وان غبت طيفك ما يفارق خيالي

وان شفت زولك قلت اهلا وسهلا

هذا المثل ماهو بدايم يقالي

بعض العرب لا غاب يا ناس يغلى

حب الجنون اهواك يا راس مالي

يا عل منهو لامني فيك يبلى