يخلق الله من الشبه قالوا اربعين

الا مثلك ما خلق ربي شبه

في حلاك احلف وانا صادق يمين

كل من ناظر جمالك يعجبه

شي طبيعي في حياتك معجبين

بس يا حظ الي قلبك توهبه

الهوى في القلب ما هوى في اليدين

ولا كلن حقق الي يطلبه

انا حبيتك قبل لا تعشقين

كني كنت اعرفك ولا مشتبه

عيدنا ما هو يوم صافحنا اليدين

والهوى جانا قبل لا نغصبه

جيت الهام القصايد والحنين

لو هو قربك سم والله لشربه

قلت لو شبهك خلق ربي اربعين

اعلن العالم حروب المطلبه