غافل الهم قلبي و الزمان استدار

وشوقي اللي هويته اصبح اليوم ضدي

طال ليلي الا وينه ابيه النهار

ضاعت خطاي حتى الدرب عيا يودي

يا الغضي كيف اشوف الحلم و النوم طار

والحقيقه تعل الحيل غصب و تهدي

كل حزن تلملم من يمين و يسار

واجتمع في خفوق باح سده و سدي

ناظر الحال و العود الخضر كيف صار

الشقى محتويني و التعب مستبدي

خالف الحظ عمري و استثار الغبار

والبيارق تهاوت و الهزيمه ب يدي

يا الغضي طحت كلي في دهاليز نار

و استحالت دموعي جمرة فوق خدي

اه واشقوة اللي عايش في انتظار

من كثير التعاسه ما درى وش يبدي