ياشايل هموم الناس مين يشيل همك
تقول كلمة الحق من غير خوف ولا يهمك
تقف ويا الناس فى الحق حتى امام عمك
قلبك ما يعرفش الخوف والستر من دعا امك
يا مبحر غرب الشرق وجنوبك الوادى
فاض بيا الكيل والصبرفى الصدر بينادى
يدوب سترنا المولى وضاقت على ولادى
يعز عليا ارحل واتغرب ولا جوع فى بلادى
***
يا عم ياللى تبيع الصبر صبرك بقى مر
منين نجيب ناس تكتب والزمن بيمر
بلدنا بقت معتقل كبير اليه الناس تنجر
يكبلوك بالسلاسل لو عرفوا انك حر
كسبنا الصلاه على النبى ودخلنا حلقة ذكر
منين يجينا الفقر ومنين يجينا الرزق
بأقامة الصلاه والسعى ودعاء و ذكر
ولا بسلام مربع لدينا ولوسى وكل هزه وسط