يا موسى صارت القلعة قضية

ونا نعرف وين انت ووين هيي

تعا قبل المراكب وللملاحة

تا نبحث بالقلاع الاوليي

لا يغرك من القلعة الرجاحة

ولا حجار الضخامة الخاجيي

لانو بعرشها سهل الاطاحه

ان ما كانت عالمحبة منبنيي

انطرد ادم وحوا بالصراحة

من الجنة من القلعة الهنيي

بزنا شيطان بشوية اباحه

ومكر حيي عا تفاحة شهيي

ووطنا اللي برغم ضيق المساحة

انبنا بالحرف قلعة شاعريي

فتحنا بوابها تاتصير ساحه

وفريق بقلب لعبه عالميي

بدلنا عرسها الابيض مناحه

ودلقنا الحبر عالطرحه النقيي

وبرغم كل البلاغه والفصاحه

كنا المجرم وكنا الضحيي»