يوم الاحد ولا مسا ليل الاثنين

بيت الشعر للناس مفتوح بابه

يوم العرب تذكروا بدر وحنين

بعض الشباب اليوم يبكي صبابه

يرثي ديانا مولعٍ بالمزايين

ما يدري ان له شديد عقابه

مسلم على منهاج سيد النبيين

وشلون يرضى العار يلبس ثيابه

وحنا هل التوحيد فالعسر واللين

قومٍ تجرد سيفها من جرابه

ما نبكي ديانا وحنا هل الدين

نبكي على عصر النبي والصحابه

وانا ديانا لورثوها ملايين

حياتها والموت عندي تشابه

ماضيقت صدري ولا هلت العين

مرّت عليه مثل مر السحابه

ولو تحترق روما ولندن بيومين

ما حركت بالقلب كبر الذبابه

واللي يهمه يعرف اسمي وانا مين

انا تراني واحدٍ من عتابه