البارحه ساهر تلعب بي اشجاني

ليل المعنى يجي كنه ميه ليله

من شانه اسهر وهو يسهر على شاني

والكل منا غرق بالدمع منديله

في جمع شمل الغضي وقتي تحداني

لاحول عندي ولاقوة ولاحيله

وقت مضي ليش هملني وخلاني

اصفق بكف على كف واناديله

مالي وسيله اجي يمه ولاجاني

يقول عزاه لي واقول عزيله

ان كان عمري مضي من دون خلاني

باقي حياتي بلاالمزيون وش هي له

لاجيت ابشكي لخلي يسكت لساني

ماغير دمعي على الخدين يشكي له

اسهر وحتي القمر ويرحل وينساني

والليل لامن سري يطفي قناديله