طلبتك يا ألة الكون طلب ( يا فالق الأصباح )
يا خالق كل هاالدنيا ويا عالم خوافيها
طلبتك ياإلهي بس تشفي تشفي أم جراح
وتبعد عنها المكروة وياربي وتشفيها
أنا مؤمن بقدرك أية وماتكتب علي الارواح
ولكن تكفي ياربي طلبتك بس تعافيها
عرفت أن المرض أقشر ويشبة مشرط الجراح
وهي مو ناقصة أصلا تعبها بس يكفيها
أحس من شفتها قلبي وقف فجأة ودمعي ساح
أطالع منصدم واقف وأسال لية وشفيها
وأحس أن الزمن كلة من عيني تردي وطاح
وطاحت كل هاالدنيا وماتوا كل من فيها
تعب في فراشها أدري سهر ليل وتعب وصياح
ياليت أن المرض هذا يجيني لجل يجفيها
خلص ماللشعر نفسن بعد هذا المرض ياصاح
رفعنا كل قصايدنا وأنهارت قوافيها
قبل نكتب لعشق أنثي أو حب أنتهي أو راح
هوينا ماعرفنا أن المرض هذا هوى فيها
طلبتك يامرض أرفق عليها وخلها ترتاح
دخيلك يامرض تكفي طلبتك بس تعفيها
هذي أمنا اللي نبادلها الضحك ومزاح
وهذي أختنا اللي بكل حب نوافيها
تبي تشفين بأذن اللة وتعم بيوتنا الافراح
وتملا ضحكتك واللة بيوت ماتكفيها
وبكرة تسجدي للة وتدعينة عذاب وراح
وكل دعوة بركعاتك وباحضانك تدفيها
طلبتك يا ألة الكون تشفي تشفي أم جراح
وتبعد عنها المكروة وياربي تعافيها