ياأبو طلال الامر واضح و محسوم

رضيت بة والله ياراس مالي

مالله كتب لي في نصيبي بها اليوم

بكرة تري يكتبة ربّ الجلالي

شيآ مهو لية ولافية مقسوم

مااخذة مادام ماهو حلالي

شي أخذتة لي لو أفرق السوم

ماأعطية لو هو واحدٍمن عيالي

ماتشوفني لاطحت أبسرعة آقوم

مانبيب أنا لاقمت رجل أتكالي

وأنا أعترف لاصرت للخصم مهزوم

هذا ترى تقدير للي قبالي

خلك صقر يخفق جناحية الحوم

والصقر لامنة كفخ لايبالي

لاتكون ردة فعل : خلك فعل دوم

دايم يجي رد الفعل ارتجالي

والنفس ماأكثر عليها من اللوم

ماأدعي نفسي بأني مثالي

سوال وجهتة ولانيب بملزوم

أفسرة يطلع جوابي سوالي

والشي من تعطية لاانسان محروم

فاقدة لكن يعتبر شي غالي

صدري مربّع بالفضا كلة رجوم

ومربعة روحي فياض زوالي

حسب مزاجيتي اذا كنت مهموم

حسب عصيبيتي ورد أنفعالي

أحيان أتخيّل وأنا شبة موهوم

وأحيان أقدحها كذا من خيالي

أنا مكاني ماهوأبأخر القوم

رغمآ علي ذلك أخلية خالي

لاني الا من غبت والوضع مزحوم

محدٍ يغطي في غيابي بدالي

شفت السما زحمة مسافات وغيوم

يزيلها لاهب ريح الشمالي

أنام ظالم بس ماانام مظلوم

لهم مجالٍ وأنا لية مجالي

لي الشعر وأغض طرفي عن النوم

علي شواردها طوال الليالي

أرفض أكون النجم مابين النجوم

أنا القمر وأضوي بعيدٍ لحالي