يا راجعه ماعاد لي فيك قدره

والقلب دايم له على الصبر طاقه

واللي جنى من وادي الضيم سدره

ماله جمل لو كان له الف ناقه

كم واحد ٍغلق من الهم صدره

يوم أن ماله في زمانه رفاقه

وهذا القصيد اللي تخيرت ندّره

ماهمني من خاض بحره وراقه

دامي بنيته ساس معروف قدره

عندي وانا سلطان جذعه وساقه

والطعنه اللي با لقفا جات غدره

ياليتها جتني على شكل باقه

كان استوت مع طعنة القلب هدره

ولاآعيش عمري بين جد وحماقه

هذي سنه والليل ما لاح بدره

وعيون خلق الله تحب الطفاقه

ادري بيوتك قشّر ووجيه ودّره

لو اكتبك ماعت حروف البطاقه

ويابو عيونٍ ناعسات ٍ وخدره

ملعون قلب ٍ ما يحسّب إفراقه

خلاص مال السور وأنهد جدره

العام رحت وكنت آآآخر علااقه