اي والله إني ضايق الفكر والبال

وحالي تردتاهياسوء حالي

ماهمني لو لامني بعض الأزوال!

المشكله شرهة عزيزٍ وغالي

إبن رمال ليا زعل مالت جبال

وشلون ماتبغى أميّل عقالي

كيف اعتذر لامن طني طيّب الفال

وشلون أحرر للإجابه سؤالي!

يعني اقول ان القدر دوم ختّال

ولا أقول إني ضحيّة هبالي!

أحيان أحس أن الجبل غلطة الجال

واحيان احس الجال غلطة جبالي!

لا يابعد حيي ترى مابك جدال

من دور ربعك محتمين التوالي

لا ثارت الهيّه صياحن وزلزال

يشهد لكم مع البعيد الموالي

من دور أول ودوركم دوم لازال

منتم بحاجة قولتي وانفعالي

اقول حاتم يابعد كل من قال

يازين شرهة راس غالي لغالي

وكد قلتها من قبل ياطيّب الفال

وفيها اباختّم نهاية مقالي

الحاتمي لامن زعل تسجد جبال

وشلون ماتبغى أشوشح عقالي؟