أنا وياك يالحرمان في الدنيا غدينا خوان

مسيرتنا سوى في كل حاضرنا وماضينا

مشينا فوق درب السهد والآلام والأحزان

حيارى في خضم التيه ما ترسي مراسينا

تباشير السعادة عن نظرنا لفها النسيان

وفوق أهدابنا ماتت من الحسرة أمانينا

على درب الألم تمشي مواطينا على النيران

ظلام اليأس ينشرنا على حيله ويطوينا

ترانيم الهنا في يوم مولدنا غدت صلبان

صلينا فوقها من غير ماتجني أيادينا

تعوضنا عن البلبل وشدوه نعقة الغربان

وعن غصن الشجر غصن يعكف الشوك بيدينا

هلا باللي يبي ينظر بعينه شقوة الإنسان

يجي ينظر تجسدها بكل أطوارها فينا